Jarðskjálfti upp á 3,5 á Richter við Selfoss

Jarðskjálfta hefur orðið vart á Selfossi í alla nótt og mældist sá sterkasti um þrír á Richter um klukkan hálf fimm í morgun. Sterkasti skjálftinn við upphaf hrynunnar mældist 3,5 á áttunda tímanum í gærkvöldi.

Upptökin er rétt austan við Selfoss, í landi Laugadæla, og því hafa íbúar í bænum orðið vel varir við skjálftana, enda hafa lausamunir farið á ferð. Ekki er hinsvegar vitað um tjón í heimahúsum, né heldur á mannvirkjum eins og vatnslögnum.

Jarðvísindamenn, sem fylgjast grannt með framvindu mála, telja skjálftahrynuna ekki fyrirboða meiriháttar jarðhræringa á borð við þær, sem urðu á Suðurlandi árið tvö þúsund. Heimamönnum er þó bent á að kynna sér viðbrögð við jarðskjálftum á blaðsíðu 17 í símaskránni