Grunur um að verkamennirnir séu ólöglegir

Grunur leikur á að stór hluti þeirra erlendu verkamanna sem lentu í rútuslysinu í Bessastaðabrekku í gær séu ekki skráðir með löglegum hætti til starfa hér á landi. Samkvæmt upplýsingum frá Vinnumálastofnun hefur málið verið skoðað í dag en ekki hefur enn verið haft samband við Arnarfell, sem er fyrirtækið sem fólkið starfaði hjá. Það verður gert á morgun og er vonast til að málið skýrist þá.

Sigurbergur Konráðsson, framkvæmdastjóri Arnarfells, sagði í samtali við Stöð 2 að hluti starfsmannanna væri með ráðningarsamning við Arnarfell og hefðu atvinnuleyfi og tryggingar. Aðrir væru starfsmenn undirverktaka Arnarfells og samningur Arnarfells við undirverktakann kvæði skýrt á um að þessi starfsmenn ættu að vera tryggðir. Hann gat þó ekki sagt til um hvort svo væri.