Innlent

Meiri vinna en menn bjuggust við

Björn Gíslason skrifar
MYND/Stöð 2
Nýbýlavegur verður ekki opnaður við Sæbólsbraut fyrr en á morgun, þremur dögum eftir að framkvæmdum þar átti að ljúka. Eins og fram hefur komið í fréttum hafa orðið miklar umferðartafir við Nýbýlaveg vegna færslu háspennustrengs og sátu menn fastir í umferðarhnútum í allt að klukkutíma fyrir helgi. Framkvæmdirnar hófust á fimmtudag og átti að vera lokið í fyrradag en ófyrirséð mál hafa tafið vinnuna.

Að sögn Jóhanns Bergmann, deildarstjóra hjá Vegagerðinni, hefur háspennustrengurinn legið norðan við Nýbýlaveginn en verið er að færa hann suður fyrir veginn vegna fyrirhugaðrar breikkunar vegarins. „Þetta hefur reynst meiri vinna en menn bjuggust við," segir Jóhann og bendir á að ekki megi slíta háspennustrenginn við færsluna þar sem hann sé einn af þremur meginstrengjum fyrir Kópavog og Garðabæ. Því verði að vanda vel til verka.

Búið er að opna fyrir umferð milli Auðbrekku og Birkigrundar og eining er fært úr austurhluta Kópavogs eftir Nýbýlavegi út á Hafnarfjaðrarveg en lokað fyrir umferð áfram út á Kársnes undir Hafnarfjarðarveg. Þetta þýðir samkvæmt Vegagerðinni áframhaldandi óþægindi fyrir íbúa á Kársnesi og eru þeir beðnir velvirðingar á töfunum.

Mest lesið


Fleiri fréttir

Sjá meira


×

Mest lesið