Þrír Vítisenglar ætla í skaðabótamál við ríkið

Þrír norskir Vítisenglar undirbúa nú skaðabótamál gegn íslenska ríkinu eftir að hafa verið vísað úr landi fyrir tveimur vikum. Þeir hafa falið lögmanni sínum, Oddgeiri Einarssyni, að höfða málið.

Oddgeir staðfesti þetta í samtali við Vísi í dag.

Hann segir að Vítisenglarnir telji að brotið hafi verið á rétt sínum þegar þeim var vísað úr landi og þeir vilji að það verði viðurkennt. Þá krefjist þeir þess að tjón sem þeir urðu fyrir vegna þessa verði bætt.

Jóhann Benediktsson lögreglustjóri á Suðurnesjum hefur í fjölmiðlum varið ákvörðun yfirvalda um að vísa Vítisenglunum úr landi með þeim rökum að þeir væru ógn gegn friði og spekt í landinu.