Ók á hreindýr við Höfn í Hornafirði

Ekið var á hreindýr í Nesjum, vestan við Höfn i Hornafirði í gær, og drapst dýrið. Mikið er um hreindýr á þessum slóðum og varar lögregla ökumenn við þeim. Annar ók yfir á rauðu á gatnamótum í Akureyrarbæ í gærkvöldi og lenti þar á bíl á ferð, en engan sakaði í bílunum.

Hálku var um að kenna og er enn fljúgandi hált á Akureyri. Þá ók ungur ökumaður á kyrrstæðan og mannlausan bíl á Selfossi í gærkvöldi og kastaði bílnum langt út á götu. Maðurinn stakk af, en náðist síðar og lét lögregla lækni líta á meiðsl hans, sem ekki voru þó alvarleg.

Loks ók svo maður á ljósastaur við Hafnarfjarðarveg í Garðabæ undir morgun. Hann slapp ómeiddur en er grunaður um glæfraakstur og að vera undir áhrifum fíkniefna.