Happdrættisleyfi SÍBS og DAS verði framlengd

Lagt hefur verið fram frumvarp á Alþingi þar sem lagt er til að bæði DAS og SÍBS verði áfram heimilt að reka happdrætti til þess að styðja við uppbyggingu á vegum félaganna.

Fram kemur í frumvörpunum að leyfi félaganna til þess að reka happdrætti renni út um áramót og er lagt til að þau verði framlengd til ársloka 2018.

Í frumvörpunum segir að ágóða af happdrættunum skuli verja til byggingarframkvæmda fyrir annars vegar aldraða á vegum Sjómannadagssamtakanna í Reykjavík og Hafnarfirði og hins vegar fyrir starfsemi SÍBS meðal annars á Reykjalundi.