Friðrik Þór kemur af fjöllum

Friðrik Þór Friðriksson, kvikmyndagerðarmaður sem var einn af framleiðendum Bjólfskviðu segir að það komi sér á óvart að leikmyndin úr myndinni skuli enn vera á Kerlingardalsheiði. Eins og greint var frá á Vísi í gær hefur leikmyndinni enn ekki veið komið í burtu rúmum þremur árum eftir að tökum lauk.

Friðrik segir í samtali við Vísi að hann hafi staðið í þeirri trú að á sínum tíma hafi verið samið við fólk í sveitinni um að fjarlægja leikmyndina. Hann segist ekki muna glöggt eftir þessu enda sé langt um liðið en þó minnir hann að þessu fólki hafi þegar verið borgað fyrir hreinsunina. Frá hans bæjardyrum séð er málið því úr höndum aðstandenda myndarinnar.

Karl Pálmason, bóndi á Kerlingardal, sagði í samtali við Vísi í gær að málið væri til skammar öllum þeim sem að því hefðu komið. Enn væri hluti leikmyndarinnar uppistandandi en annað hafi fokið út um allar sveitir.