Saksóknari gagnrýnir Kastljósið

Helgi Magnússon hjá efnhagsbrotadeild ríkislögreglustjóra hefur sent frá sér greinargerð vegna fréttaskýringar sem birtist í Kastljósinu á miðvikudagskvöld. Telur hann umfjöllunin einhliða og villandi.

Þar var fjallað um tafir á rannsókn mála hjá deildinni. Helgi segir að fréttaskýring þessi hafi verið mjög einhliða og villandi. Í Kastljósinu var m.a. greint frá 19 málum sem drógust svo lengi í meðförum deildarinnar að það leiddi til þess að menn sluppu við fangelsisvist eða að dómar yfir þeim voru mildaðir.

Þessu mótmælir Helgi og segir að viðkomandi fréttamanni hafi verið gerð grein fyrir því að í mörgum þessara tilfella hefði ekki verið um mildun refsingar að ræða. Af þessum 19 málum voru 10 skattsvikamál og nefnir Helgi að undantekningalítið sé fangelsisrefsign í þeim málum skilorðbundin. Raunveruleg áhrifa tafa á refsingu hafi aðeins orðið í einu af þessum tíu málum.