Björgólfur Guðmundsson styrkir RÚV

Björgólfur Guðmundsson athafnamaður hefur gert samning við Ríkisútvarpið um að styrkja félagið næstu þrjú ár til þess að stórefla íslenska dagskrárgerð í sjónvarpi.

Í tilkynningu frá Ríkisútvarpinu kemur fram að sameiginlega muni þessir aðilar tryggja framleiðendum sjónvarpsmynda fjármuni til að hefja framleiðslu á leiknu efni fyrir Sjónvarpið. Framlög hvors aðila verða alltaf jöfn og er stefnt að því að gera tvær þáttaraðir á ári. Áætlað er að á tímabilinu muni 200-300 milljónir króna renna til íslenskrar sjónvarpsmyndagerðar vegna hans samningins.

Haft er eftir Björgólfi í tilkynningunni að sjónvarp sé helsti vettvangur nútímamenningar. „Ef við ætlum að búa við kröftuga íslenska menningu í framtíð þurfum við að efla íslenskt sjónvarp. Þar að auki er sjónvarps- og kvikmyndagerð á heimsvísu stór og öflug atvinnugrein og ég vil gjarnan eiga þátt í því að Íslendingar eignist væna sneið af þeirri köku. Það myndi efla og auka til muna fjölbreytni atvinnulífs á Íslandi," Björgólfur.

Páll Magnússon útvarpsstjóri segir að með samningnum tvöfaldist sú upphæð sem RÚV hefði að öðrum kosti getað varið til framleiðslu á leiknu íslensku sjónvarpsefni. „Það er sérstakt fagnaðar- og þakkarefni að tekist hefur að laða nýtt fjármagn að þessari listgrein með þessum hætti og kveikir vonir um hún geti höfðað til fleiri en Íslendinga í framtíðinni," segir Páll.