Lagadeild HR fær 120 milljóna króna styrk

Lagadeild Háskólans í Reykjavík hefur hlotið 120 milljóna króna styrk úr rannsóknaráætlun Evrópusambandsins.

Eftir því segir á vef skólans er þetta er langhæsti styrkur sem úthlutað hefur verið til íslensks verkefnis á sviði hug- og félagsvísinda. Þetta er einnig í fyrsta sinn sem íslenskur háskóli fær styrk úr rannsóknaráætlun Evrópusambandsins vegna rannsókna í lögfræði. Það er

Þórdís Ingadóttir, dósent við lagadeild Háskólans í Reykjavík, stýrir verkefninu í heild það er unnið í samstarfi við háskóla í Hollandi, Ísrael og Bretlandi.

Í verkefninu á að meta áhrif alþjóðlegs refsiréttar og alþjóðadómstóla á landsrétt í málum sem varða gróf og víðtæk mannúðar- og mannréttindabrot. Markmiðið er að efla samspil landsréttar og þjóðaréttar á þessu sviði, auka áhrif og virkni alþjóðadómstóla og bæta þar með viðbrögð landsréttar við slíkum brotum, eins og segir á vef háskólans.