Ölvaður ökumaður í árekstri

Árekstur varð á gatnamótum Ránargötu og Ægisgötu um klukkan eitt í nótt. Engan sakaði en ökumaður annars bílsins, karlmaður á þrítugsaldri, reyndist ölvaður. Bílarnir skemmdust talsvert að sögn lögreglu. Maðurinn gisti fangaklefa lögreglunnar.

Þá stöðvaði lögreglan á höfuðborgarsvæðinu ökumann í Hafnarfirði um klukkan tíu í gærkvöldi en sá reyndist vera á bíl sem var eftirlýstur af lögreglunni á Akureyri. Um var að ræða bílaleigubíl sem ekki var skilað á tilsettum tíma. Ökumaðurinn, ungur karlmaður, er einnig grunaður um akstur undir áhrifum lyfja.

Nóttin var annars hefðbundinn að sögn lögreglu en alls fengu tíu að gista fangaklefa.