Jólabasar Hringsins í dag

Boðið verður upp á hannyrðir og kökur á jólabasar Hringsins sem haldinn verður á Grand Hótel í dag. Þar gefst fólki einnig tækifæri til að kaupa jólakort til að styðja starf Hringsins.

Jólabasar Hringsins er haldinn á hverju ári í nóvember. Undirbúningur hans hefst strax í janúar þegar félagskonur koma saman til hannyrða. Síðan hittast þær vikulega til að föndra, sauma og prjóna muni til að selja. Á síðustu dögum er svo bakað enda kökusalan mikilvægur hluti af basarnum.

Jólabasarinn hefst á Grand Hótel klukkan eitt og rennur allur ágóði til góðgerðarstarfa.