Bílstæðum við Reykjavíkurflugvöll fjölgar um helming

Bílastæðum við Reykjavíkurflugvöll fyrir farþega á vegum Flugfélags Íslands fjölgar um helming seinni hluta nóvembermánaðar eftir því sem segir í tilkynningu frá flugfélaginu. Þar er bent á að ófremdarástand hafi ríkt við Reykjavíkurflugvöll vegna þessa en með þessari fjölgun bílastæða er vonast til að sá vandi verði úr sögunni.

Verktakafyrirtækið Klæðning vinnur að gerða bílastæðanna fyrir Flugfélag Íslands en þeim verður skilað með óbundnu slitlagi og ættu bílastæðin að vera tilbúin til nokunar seinni hluta nóvembermánaðar. Hvetur flugfélagið ökumenn og farþega til að sýna varúð og tillitssemi á meðan á framkvæmdum stendur.