Atvinnuleysi minnkar um fimmtung milli ára

Atvinnuleysi í október reyndist 0,8 prósent og minnkaði um 1,6 prósent á milli mánaða samkvæmt tölum Vinnumálastofnunar. Fram kemur á heimasíðu stofnunarinnar að atvinnuleysi sé um fimmtungi minna en á sama tíma fyrir ári.

 

 

Atvinnuleysi á höfuðborgarsvæðinu mælist nú 0,6 prósent af áætluðum mannafla og 1,1 prósent á landsbyggðinni. Þegar horft er til einstakra landssvæða er atvinnuleysið mest á Suðurnesjum eða 2,1 prósent en minnst er atvinnuleysið á Norðurlandi vestra og Austurlandi eða 0,4 prósent. Atvinnuleysi karla minnkaði um 1,8 prósent milli mánaða og atvinnuleysi kvenna um 1,5 prósent samkvæmt tölum Vinnumálastofnunar.

 

 

Vinnumálastofnun bendir á að atvinnuleysi aukist yfirleitt milli október og nóvember en telur nú líklegt að atvinnuleysið í nóvember muni lítið breytast eða aukast lítillega og verða á bilinu 0,8-1,1 prósent.