Löggjöf um skilnað verði sniðin út frá hagsmunum barna

Mikilvægt er að sníða löggjöf um skilnað foreldra út frá hagsmunum barna. Þetta sagði forseti Íslands á ráðstefnu um réttindi barna við skilnað sem haldin var í gær. Hann sagði það hins vegar aldrei verða hægt að setja í löggjöf með hvaða hætti samskipti foreldra og barna eigi að vera eftir skilnað.

Það var félag um foreldrajafnrétti sem hélt ráðstefnuna. Í setningarræðu sinni sagði Lúðvík Börkur Jónsson markmið félagsins að öll börn hafi jafnt aðgengi að báðum foreldrum sínum. Hann Ísland hafa dregist aftur úr í þeirri baráttu en frumvarp sem liggi fyrir Alþingi um heimild dómstóla til að dæma foreldra til sameiginlegs forræðis vera skref í rétta átt.

Heiðursgestur ráðstefnunnar var forseti Íslands, Ólafur Ragnar Grímsson, sem tók undir með Lúðvíki og sagði mikilvægt að sníða löggjöfina út frá hagsmunum barna. Hann sagði hins vegar aldrei verða hægt að setja í löggjöf með hvaða hætti samskipti foreldra við börn eru eftir skilnað.