Drógu sér fé sem átti að fara í meðlagsskuldir

Tveir menn hafa í Héraðsdómi Reykjavíkur verið dæmdir í eins mánaðar skilorðsbundið fangelsi fyrir fjárdrátt með því að hafa á árunum 2005 og 2006 dregið félagi sem þeir voru í forsvari fyrir hátt í 800 þúsund krónur af launum tveggja starfsmanna.

Peningunum héldu forsvarsmennirnir eftir við útborgun launa og áttu þeir að ganga í meðlagsskuld starfsmannanna við Innheimtustofnun sveitarfélaga. Í stað þess voru þeir notaðir í þágu fyrirtækisins.

Mennirnir játuðu brot sín og voru sakfelldir. Tekið var tillit til þess við ákvörðun refsingar að þeir hefðu ekki komist í kast við lögin áður og hefðu samþykkt að greiða skaðabætur til Innheimtustofnunar sveitarfélaga. Þær nema nærri einni milljón króna.