Skjálftavirkni við Upptyppinga og Herðubreiðartögl

Nokkur skjálftavirkni hefur verið á tveimur stöðum norðan Vatnajökuls um helgina og í dag en þó enginn stór skjálfti.

Þær upplýsingar fengust hjá Veðurstofu Íslands að skjálftar hefðu mælst annars vegar í Herðubreiðartöglum, sem er móbergsstapi norður af Herðubreið, og hins vegar í Upptyppingum, sem eru hluti af Kverkfjallaeldstöðinni. Á síðarnefnda staðnum voru allnokkrar skjálftahrinur í sumar.

Flestir skjálftanna við Upptyppinga voru rétt undir tvö stig á Richter en þeir sem urðu við Herðubreiðartögl voru eilítið stærri. Herðubreiðartögl eru mun þekktara skjálftasvæði en Upptyppingar. Skjálftarnir eru ekki taldir fyrirboðar eldgoss á svæðinu á næstunni en Veðurstofan með þróun mála.