Allt á réttri leið, segir Breiðavíkurdrengur

Samvinna þeirra Þórs Jónssonar upplýsingafulltrúa Kópavogsbæjar og Guðmundur Gissurarsonar Breiðavíkurdrengs hófst í dag. Eins og kunnugt er af fréttum Vísi fyrir helgi ákvað Þór að aðstoða Guðmund við að fá í hendur skýrslu barnaverndarnefndar um sig. "Þetta er allt á réttri leið núna," segir Guðmundur.

Fundur þeirra Þórs og Guðmundar átti sér stað á heimili þess síðarnefnda. "Við ræddum málin og ég sagði honum frá minni sögu," segir Guðmundur. "Jafnframt ákváðum við að útbúa beiðni fyrir mig svo hægt væri að hefja leit að skýrslu minni og Þór mun einnig ætla að ræða við félagsmálaráðuneytið fyrir mína hönd.

Upphaf máls þessa má rekja til þess að Guðmundur fór fram á að fá þau gögn um sig sem barnaverndarnefnd Kópavogs hefur undir höndum. Fékk hann þá fjórar síður úr fundagerðarbókum sem Guðmundur taldi ekki fullnægjandi. "Það getur verið að þetta taki einhvern tíma því þessi plögg eru geymd í kössum einhverstaðar," segir Guðmundur.