Stormur í aðsigi

Það er versnandi veður á landinu sunnan- og vestanverðu, þar á meðal í höfuðborginni og eru horfur á vindhraði ná um eða yfir 20 m/s á þessu svæðum og enn meiri á hálendinu.

"Mér sýnist að veðurhæðin verði einna mest einhverstaðar milli fimm og sjö hér í höfuðborginni með mikilli rigningu," segir Sigurður Þ. Ragnarsson veðurfræðingur á Veðurstofu Stöðvar 2.

"Vindstrengurinn gengur síðan til austurs yfir landið en ég á reyndar ekki von á að vindhraðinn verði eins mikill fyrir norðan og austan þó þar muni hvessa í kvöld" segir Sigurður og bætir við að fyrirhyggjusamir ættu að koma gasgrillum og garðhúsgögnum í skjól eigi ekki illa að fara.

Lægðin sem óveðrinu veldur er dýpkandi og er að reiknast niður undir 955 mbör og verður hún stödd um 500 km vestur af landinu síðdegis og í kvöld.

"Það lægir síðan með kvöldinu á vestanverðu landinu en á hinn bóginn er að sjá vindasama daga á næstunni. Já þau er heldur óspennandi kortin þessa dagana, líkt og reyndar verið hefur þetta haustið" segir Sigurður að lokum.