Leggur til breytingar á lífeyriskjörum æðstu embættismanna

Lífeyriskjör alþingismanna, ráðherra og hæstaréttardómara verða þau sömu og lífeyriskjör annarra ríkisstarfsmanna samkvæmt frumvarpi sem nú hefur verið lagt fram á Alþingi. Flutningsmaður frumvarpsins er Valgerður Bjarnadóttir.

Verði frumvarpið samþykkt verða lífeyriskjör æðstu embættismanna þjóðarinnar færð til þess vegar sem nú gerist hjá öðrum starfsmönnum ríkisins. Ekki er þó lagt til að lífeyriskjör forseta Íslands verði breytt.

Í greinargerð með frumvarpinu kemur fram breytingu á lífeyriskjörum árið 2003 hafi æðstu handhöfum framkvæmdarvalds, löggjafarvalds og dómsvalds verið færð lífeyriskjör sem eru úr takti við það sem tíðkast meðal þjóðarinnar. Þá segir ennfremur að til að forðast að málið lendi í sjálfheldu málalenginga á grundvelli formsatriða sé gert ráð fyrir að áunnin réttindi samkvæmt hinum umdeildum lögum skuli í engu skert.