Katie fannst hún valdamikil eftir fæðinguna

Leikkonan knáa, Katie Holmes, sem eignaðist sitt fyrsta barn í apríl síðastliðnum, segir að það að eignast barn hafi látið hana finnast hún valdamikil. ,,Ég er svo stollt yfir því að hafa eignast barn. Það gerði mig nánari öðrum konum, systrum mínum og móður minni. Eftir fæðinguna fannst mér ég valdamikil. Ég var búin að fæða barn. Ég gerði það! Þá er ekkert sem ég ræð ekki við," sagði Katie í viðtali við Harper's Bazaar.

Katie er sem kunnugt er gift leikaranum smáa Tom Cruise, en þau hafa nefnt dóttur sína Suri. Meðgangan vakti mikla athygli þar sem þau eru í vísindakirkjunni en þar er konum bannað að gefa frá sér hljóð á meðan á fæðingu stendur auk þess sem faðirinn borðar fylgjuna.

En Katie virðist vera ánægð með lífið og líka móðurhlutverkið vel. ,,Ég hef virkilega notið tímans sem ég hef átt með Suri, sem og árskorananna sem ég þurfti að fást við fyrstu mánuðina. Gefa henni brjóst, reyna að átta mig á hvernig grátur var hungurgrátur, hvort hún væri þreytt og hvort hún þyrfti nýja bleyju. Bara að reyna að finna út hvernig hægt væri að hjálpa henni."

En þrátt fyrir að vera fræg leikkona á framabraut liggur Katie ekkert á að fara aftur út í atvinnulífið. Henni þykir frábært að vera mamma. ,,Ég er með fullt af nýjum skyldum núna. Vinnan er mér mikilvæg og fjölskyldan líka. Þegar ég fer aftur að vinna þá verður það rétt, bæði gagnvart mér og fjölskyldu minni."