Fimmtíu og fimm fá styrk úr Þjóðhátíðarsjóði

Úthlutað var 55 styrkjum að fjárhæð rúmar 25 milljónir króna úr Þjóðhátíðarsjóði fyrir næsta ár eftir því sem segir á vef forsætisráðuneytisins.

Tilgangur sjóðsins er að styrkja stofnanir og hópa sem vinna að varðveiðslu og vernd menningarminja af ýmsum toga hér á landi. Alls bárust Þjóðhátíðarsjóð 106 umsóknir að fjárhæð 123 milljónir króna en fimm aðilar hlutu hæstu styrkina, eina milljón króna hver.

Það eru Ljósmyndasafnið Ísafirði, Minjasafn Egils Ólafssonar að Hnjóti í Patreksfirði, Landnámssetur Íslands í Borgarfirði, Kvæðamannafélagið Iðunn og Stofnun Árna Magnússonar. Sérstök úthlutunarathöfn verður í Þjóðmenningarhúsinu af þessu tilefni kl. 13.30 í dag.