Segir ráðherra skaða samningsstöðu Íslands

Misvísandi skilaboð ráðherrra varðandi afstöðu til íslenska ákvæðisins í loftlagssamningi Sameinuðu þjóðanna getur skaðað samningsstöðu Íslands. Þetta kom fram í máli Sivjar Friðleifsdóttur, þingmanns Framsóknarflokksins, á Alþingi. Sagði hún ráðherrana tala í kross.

Fram kom í máli Geirs H. Haarde, forsætisráðherra, á fyrirspurnartíma á Alþingi í gær að hann teldi æskilegt að Íslendingar freisti þess að fá aftur sérákvæði varðandi losun gróðurhúsaloftegunda þegar Kyoto samkomulagið verður endurnýjað. Þórunn Sveinbjarnardóttir, umhverfisráðherra, er hins vegar á móti því að Ísland sæki um sérákvæði.

Að mati Sivjar er mikilvægt að Íslendingar sýni trúverðugleika í málinu og tali einni röddu. Benti hún á að sínum tíma hafi íslenska ákvæðið náðst í gegn með þrotlausri vinnu. Misvísandi skilaboð ráðherra geti hins vegar skaðað samningsstöðu Íslands.