Fundað um málefni orkufyrirtækjanna

Sjálfstæðisfélögin í Reykjanesbæ héldu fjölmennan fund um málefni Hitaveitu Suðurnesja í Njarðvíkurskóla í kvöld. Frummælendur á fundinum voru Árni Sigfússon, bæjarstjóri Reykjanesbæjar og stjórnarformaður Hitaveitu Suðurnesja, Ásgeir Margeirsson, forstjóri Geysis Green Energy, og Júlíus Jónsson, forstjóri Hitaveitu Suðurnesja.

Á vefsíðu Víkurfrétta segir að tekist hafi verið harkalega á um málefni Hitaveitu Suðurnesja í bæjarstjórn Reykjanesbæjar að undanförnu. Minnihlutinn hafi ráðið til sín lögfræðing til kanna lögmæti þess hvernig staðið var að sölu á hlut Reykjanesbæjar í HS til Orkuveitu Reykjavíkur.

Málefni Orkufyrirtækjanna voru rædd víðar í dag. Dagur B. Eggertsson borgarstjóri sagði á fundi með starfsmönnum Orkuveitu Reykjavíkur að stefnan væri sú að Orkuveitan yrði áfram í útrásinni og alls ekki væri útilokað af hálfu aðaleiganda fyrirtækisins að af frekara samstarfi kunni að verða við Geysi Green Energy, líkt og nýleg ákvörðun um áframhaldandi verkefni á Filipseyjum sýndi en þar vinna fyrirtækin saman sem og innan Enex.