Farbann vegna nauðgunarrannsóknar á Selfossi staðfest

Hæstiréttur staðfesti farbann yfir Pólverja sem grunaður er um nauðgun á Selfossi fyrir tæpum tveimur vikum.

Hann hafði ásamt tveimur öðrum verið úrskurðaður í farbann til 17. desember vegna málsins en að minnsta kosti tveir mannanna höfðu áður setið í gæsluvarðhaldi vegna málsins.

Fram kemur í farbannsúrskurðinum að maðurin neiti sök í málinu en konan sem nauðgað var og vitni beri annað. Þá kemur fram að rannsókn málsins miði vel en beðið sé niðurstöðu rannsóknar á fatnaði konunnar auk lífsýna úr manninum. Hann liggi undir rökstuddum grun um að hafa framið alvarlegt kynferðisbrot gegn konunni sem geti varðað allt að 16 ára fangelsi.