Tæplega 500 Pólverjar á Íslandi á kjörskrá

Tæplega fimm hundruð Pólverjar, búsettir á Íslandi, ætla að kjósa í pólsku þingkosningunum á sunnudag. Þetta er samt aðeins einn af hverjum tíu Pólverjum sem eru búsettir hér.

Kjörfundur verður í Alþjóðahúsinu. Fulltrúi pólska sendiráðsins náði í dag í kjörgögnin, sem hann lét prenta fyrir sig á Hverfisgötunni. Hann verður síðan með kjörfund í Alþjóðahúsinu á sunnudag, frá sex að morgni til átta að kvöldi. Michal Sikorski, fulltrúi pólska sendiráðsins, segir að 469 menn séu á kjörskrá á Íslandi. Sumir komi jafnvel 400 til 500 kílómetra leið til að greiða atkvæði.

Hér á Íslandi búa tæplega sex þúsund Pólverjar á kosningaaldri, sem þýðir að færri en einn af hverjum tíu hafa ætla að kjósa. Alls eru 175 þúsund Pólverjar utan heimalandsins á kjörskrá og þeir geta haft úrslitaáhrif á kosninguna, því lítið ber á milli tveggja stóru flokkanna.

Höfuðandstæðingarnir í Póllandi eru báðir á hægri kantinum, báðir formenn flokka sem rekja upphaf sitt til Samstöðu og endaloka kommúnismans í landinu - en þar líkur samanburðinum. Jaroslaw Kaczynski forsætisráðherra er ákafur þjóðernissinni sem vill styrkja tengslin við Bandaríkin og halda pólskum hersveitum áfram í Írak. Donald Tusk vill að Pólverjar hegði sér eins og einlægir meðlimir Evrópusambandsins.

Alls eru 175 þúsund Pólverjar utan heimalandsins á kjörskrá og þeir geta haft úrslitaáhrif á kosninguna, því lítið ber á milli tveggja stóru flokkanna.