Garðar Thór syngur með stórstjörnum á safnplötu

Garðar Thór Cortes er á meðal stærstu nafna óperu heimsins á nýrri safnplötu sem útgáfu risarnir SONY BMG og UNIVERSAL standa saman að.

Platan heitir "THE NUMBER ONE CLASSICAL ALBUM 2008" og verður gefin útum um allann heim í Nóvember. Safndiskurinn er tvöfaldur og það eru engin smá nöfn með Garðari á plötunni. Þar fara hæst Kiri Te Kanawa, Luciano Pavarotti, Placido Domingo, Anna Netrebko, Bryn Terfel, IL Divo, Mario Lanza, Andrea Bocelli, Katherine Jenkins, Lesley Garrett & Sarah Brightman.

Þarna er einnig snillingar eins og Mike Oldfield, Sting og Julain Lloyd Webber. "Þetta er mjög gaman og mér þykir vænt um að vera í þessum hóp, umkringdur þessum söngvörum. Það verður gaman að sjá og heyra þessa plötu" sagði Garðar Thór sem er í Bretlandi í dag þar sem hann syngur í Kennsington Höllinni á góðgerðartónleikum. En meðal gesta eru baróninn Sebastian Coe, formaður skipulagsnefndar Ólympíuleikanna í London 2112 og Sir Philip Green fjárfestir.

"Þetta er nú fyrst og fremst mikil viðurkenning fyrir Garðar er vera í þessum hópi," sagði Einar Bárðarson, umboðsmaður Garðars Thórs. Platan kemur út í Bretlandi þann 19. nóvember og henni mun fylgja mikil auglýsingarherferð í sjónvarpi. "Öll helstu nöfnin eru þarna, eldri og yngri prímadonnur svo geðþekki tenórinn frá Íslandi. Ég verð að segja það að ég var voða stoltur af Garðari þegar við gengum frá þessu. Hann passar vel í þennan hóp."

Í byrjuna vikunnar var gengið frá stórum samningi um útgáfu á plötu garðars í mið Ameríku og Portúgal. Viðræður eru á fullu fyrir mið og norður Evrópu sem og Kanada. Nokkur útgáfufélög í Bandaríkjunum hafa sýnt áhuga en Einar segir það vera flóknara mál. "Menn hlaupa ekkert þangað inn. Það þarf að skoða það vel og vandlega og þeir sem þekkja til vita vel að þarf mikið átak, mikin kraft og her manna til að fara inní Bandaríkinn. Það er aldrei að vita hvað okkur dettur í hug. En við gerum ekki ráð fyrir því á þessu ári og varla á því næsta," sagði Einar.