Hæstiréttur snýr við sýknu í kynferðisbrotamáli

Hæstiréttur snéri í dag við sýknudómi Héraðsdóms Norðurlands vestra yfir 21 árs karlmanni sem gefið var að sök að hafa tekið mynd á gsm síma sinn af stúlku án hennar vitneskju.

Á myndinni lá stúlkan nakin í rúmi mannsins. Daganna á eftir sýndi maðurinn ellefu körlum og einni konu myndina en sumum þeirra sýndi hann aðra mynd sem sýndi kynfæri konu sem sett hafði verið vasaljós upp í. Maðurinn fullyrti að sú mynd væri af sömu stúlku þó svo hafi ekki verið.

Hæstiréttur dæmdi manninn í fjögurra mánaða skilorðsbundið fangelsi og til þess að greiða allan sakarkostnað, tæpa eina milljón króna.