Forsætisráðherra Írlands virðist spilltur upp fyrir haus

Forsætisráðherra Írlands, Bertie Ahern, mætir fyrir nefnd á fimmtudaginn þar sem hann þarf að svara fyrir meinta spillingu. Hann er sagður hafa þegið fjárgreiðslur frá kunningum og kaupsýslumönnum á tíunda áratug síðustu aldar þegar hann sat í stóli fjármálaráðherra.

Gert er ráð fyrir að Ahern verði spurður um einkafjármál sín. Þar á meðal 30 þúsund punda greiðslu sem hann fékk árið 1994 frá eiganda húsnæðis sem hann leigði í Dublin. Ahern var fyrst nefndur í tengslum við fjármálahneyksli á síðasta ári. Hann neitaði allri sök og vann þriðja kosningasigur sinn í forsætisráðherrakosningum á þessu ári.