Kennaraháskólinn útskrifar 70 kandidata

Í dag brautskráðust 70 kandídatar frá Kennaraháskóla Íslands við hátíðlega athöfn í Skriðu, fyrirlestrarsal skólans. Alls brautskráðust 33 úr grunnnámi og 37 úr framhaldsnámi. Brautskráðir voru 10 með meistaragráðu í uppeldis- og menntunarfræði og 27 með diplómugráðu í uppeldis- og menntunarfræði.

Nú hafa 152 verið brautskráðir með meistaragráðu frá skólanum. Úr grunnámi brautskráðust 8 úr kennsluréttindanámi, 6 með B.Ed.-gráðu í grunnskólakennarafræði og 1 með B.Ed.-gráðu í leikskólakennaranámi. Fjórir brautskráðust með B.S.-gráðu í íþróttafræði, 8 með B.A.-gráðu í tómstunda- og félagsmálafræði og 6 með B.A.-gráðu í þroskaþjálfafræði.

Ólafur Proppé gerði sameiningu Háskóla Íslands og Kennaraháskóla Íslands að umtalsefni í ræðu sinni. Hann sagði meðal annars: "Nú hefur Alþingi ákveðið að Kennaraháskóli Íslands og Háskóli Íslands sameinist í einum háskóla eftir átta mánuði, þ.e. 1. júlí 2008. Þessi sameining er gerð að frumkvæði háskólanna tveggja í mikilli og góðri samvinnu við menntamálaráðherrai."