Egilsstaðaskóli sextugur

Í dag laugardag verður haldið upp á 60 ára afmæli Egilsstaðaskóla. Klukkan 13.00 verður opnuð sýning í skólanum á ýmsu því sem tengist skólahaldinu fyrr og nú. Klukkan 19.30 í kvöld hefst svo árshátíð skólans í Íþróttamiðstöðinni á Egilsstöðum.

Á sýningu skólans sem hefst kl. 13 má meðal annars sjá kennslutæki, námsgögn, muni í eigu "gamalla" nemenda, gömlu skólabjölluna, gamlar og nýjar myndir úr skólalífinu og sitthvað fleira.

Sýningin stendur til kl. 16:00.Á árshátíð skólans sem hefst kl. 19.30 verður í boði skemmtun fyrir alla og nemendur skólans fyrr og nú láta ljós sitt skína, þá verður nýr skólasöngur frumfluttur og boðið upp á kaffi og með því.