Ánægja í Kolaportinu með yfirlýsingu borgarstjóra

Dagur B. Eggertsson, borgarstjóri, vill beita sér fyrir því að láta endurskoða fyrirhugaðar framkvæmdir í Kolaportinu. Sölumenn og rekstraraðilar í Kolaportinu lýsa yfir ánægju með fyrirætlun borgarstjóra.

Samkvæmt fyrirliggjandi áætlun á að fjarlægja hluta Kolaportsins til að koma þar fyrir rampi svo starfsmenn Tollstjórans hafi aðgengi að bílastæðum. Gangi þessar áætlanir eftir munu um 500 fermetrar af gólfsvæði Kolaportsins tapast. Bæði gestir og rekstraraðilar hafa mótmælt þessu harðlega.

Í viðtali við Fréttablaðið í dag sagðist Dagur B. Eggertsson, borgarstjóri, vilja beita sér fyrir því að þessar framkvæmdir verði endurskoðaðar.Gunnar Hákonarson, framkvæmdastjóri Kolaportsins, fagnar orðum borgarstjóra. Þá lýsa sölumenn í Kolaportinu einnig yfir ánægju með orð borgarstjóra og vonast til þess að ekki komi til framkvæmdarinnar