Flugslysanefnd kannar óhapp á Keflavíkurflugvelli

Starfsmenn Flugslysanefndar eru nú staddir á Keflavíkurflugvelli að kanna óhapp sem þar varð í nótt. Farþegavél með farþega á heimleið frá Tyrklandi fór út af flugbrautinni þegar nefhjól hennar affelgaðist í lendingu um klukkan tvö í nótt. Hálku er kennt um óhappið.

Vélin var að koma frá Tyrklandi með millilendingu í Edenborg. 188 farþegar voru um borð í vélinni og 10 manna áhöfn og sakaði engan.

Samkvæmt upplýsingum frá flugumsjón nú í morgun verður vélin ekkert hreyfð fyrr en Flugslysanefnd hefur lokið rannsókn sinni. Eftir það verður hún skoðuð vandlega og dekk sett á nefhjól hennar að nýju.

Vélin var að koma frá Tyrklandi með millilendingu í Edenborg. 188 farþegar voru um borð í vélinni og 10 manna áhöfn og sakaði engan. Rannsókn á aðdraganda óhappsins stendur yfir.

Vélin er af gerðinni Boeing 737-800 frá leiguflugfélaginu Jet-X en var að koma með farþega á vegum ferðaskrifstofunnar Primavera.

Talið er að hálka á flugbrautinni hafi valdið óhappinu.