Davíð Oddsson ekki hrifinn af gauragangi við opnun leikfangaverslana

Davíð Oddsson seðlabankastjóri segir nauðsynlegt að koma á aga í herbúðunum en hann er ekki hrifinn af gauragangi við opnun leikfangaverslana á höfuðborgarsvæðinu. Leikfangabúðin Just For Kids var opnuð með látum í dag.

Hátt í hundrað manns biðu fyrir utan leikfangaverslunina í Hafnarfirði í morgun en mikil ös hefur verið þar í dag.

Dýraríkið er í sama húsnæði en þar hafðist kona við í fuglabúri til að róa taugar páfagaukanna.

Þetta er önnur leikfangaverslunin sem er opnuð á mjög skömmum tíma en bandaríski leikfangarisinn Toys R Us vaknaði til lífsins við Smáratorg fyrir rúmum hálfum mánuði.

Þá seldust leikföng fyrir allt að 70 milljónir króna fyrstu helgina en örtröð myndaðist þá á Smáratorgi.

Davíð Oddsson fyrrverandi forsætisráðherra og Seðlabankastjóri sagði við boðun á hækkun stýrivaxta nýlega að kaupæði Íslendinga væri með ólíkindum.