Útafakstur á Biskupstungnabraut

Kona var flutt á slysadeild eftir að bíll sem hún var farþegi í var ekið útaf veginum á Biskupstungnabraut við Rimamóa um klukkan hálft tvö í dag. Talið er að ökumaður hafi misst stjórn á bílnum vegna hálku en bíllinn hafnaði ofan í áveituskurði. Konan er ekki alvarlega slösuð.

Samkvæmt upplýsingum frá lögreglunni á Selfossi voru þrjár konur í bílnum en hinar tvær sakaði ekki. Fjarlægja þurfti bílinn með kranabíl.

Mikil hálka er á vegum landsins og hefur Vegagerðin sent út sérstaka viðvörun vegna þess.