Ísland í fjórða sæti í könnun um jafnrétti

Ísland er í fjórða sæti yfir þau lönd þar sem jafnrétti kynjanna þykir hvað best. Svíþjóð er í efsta sæti en þar á eftir kemur Noregur. Verst þykir ástandið í Jemen og Tjad.

Það er Alþjóða efnahagsstofnunin sem stendur á bak við könnunina en hún nær til 128 landa. Meðal þess sem er mælt er hlutfall kvenna í æðstu stöðum og menntun.

Ísland stendur í stað milli kannana og er í fjórða sæti. Í þriðja sæti er Finnland en í því fimmta er Nýja Sjáland. Danmörk er áttunda sæti, einu sæti neðar en Þýskalands sem er í því sjöunda.