Ók útaf og skildi bílinn eftir

Loka þurfti hringtorginu á Hringbraut við Suðurgötu nú í morgun. Bíl hafði verið ekið útaf og skemmdist hann nokkuð. Í stað þess að kalla á aðstoð lét ökumaðurinn sig hins vegar hverfa og hefur ekkert spurst til hans. Lögregla og slökkvilið mættu á staðinn og var bíllinn dreginn á brott með kranabíl. Að sögn lögreglu er bíllinn ekki stolinn en að öðru leyti er ekkert vitað um hvað ökumanninum gekk til.

Að öðru leyti gekk nóttinn tiltölulega vel fyrir sig í höfuðborginni þrátt fyrir nokkurn eril hjá lögreglu. Að sögn vakstjóra var um að ræða „hefðbundið fyllerí" og gistu sex fangageymslur fyrir ölvun og óspektir.