Val IS rekur aflvana í miklu hvassviðri

Valur ÍS, sem gerður er út frá Súðavík, rak aflvana í Jökulfirðinum.

Landhelgisgæslan fékk upplýsingar skömmu fyrir tvö um að  báturinn, sem er 158 brúttólesta bátur hefði tilkynnt um vélarbilun í Jökulfjörðum, um eina sjómílu frá landi austan frá Slétteyri. 8 manns eru um borð.

Björgunarskip og hafnsögubátur frá Ísafirði voru kallaðir út. Sædísin kom fyrst að Val um klukkan hálfþrjú. Gunnar Friðriksson kom á

staðinn klukkan tíu mínútur í þrjú. Hafnsögubáturinn verður á staðnum eftir u.þ.b. 1 klukkustund.

Gert er ráð fyrir að Valur verði dreginn til hafnar. Bilunin var í gír bátsins. Hann gat bakkað uppí vind meðan beðið var aðstoðar.

Þyrla Landhelgisgæslunnar var í viðbragðsstöðu, en hefur nú verið

afturkölluð,  að því er fram kemur í tilkynningu frá  Landhelgisgæslunni.

Sigurður Ragnarsson veðurfræðingur segir að mikið hvassviðri sé á Vestfjörðum og að minnsta kosti 15-23 metrar á sekúndu. Ölduhæð er á bilinu 2-4 metrar.