Telur fleiri tengjast hnífsstungumáli

Lögreglan á Selfossi telur að fleiri aðilar en meintur gerandi og þolandi í hnífstungumáli í Hellisheiðarvirkjun í gærkvöld hafi tekið þátt í átökunum sem leiddu til áverkanna.

Fram kemur í tilkynningu frá lögreglunni að hún rannsaki nú málið. Pólskur maður er talinn hafa stungið samlanda sinn í vinnubúðum við Hellisheiðarvirkjun og fékk sá síðarnefndi stungu- og skurðsár á kálfa og læri auk annarra minni áverka. Maðurinn var fluttur á slysadeild þar sem gert var að sárum hans og hann svo útskrifaður.

Meintur gerandi gaf sig fram við lögregluna á höfuðborgarsvæðinu um hádegisbil í dag og er hann í haldi. Lögreglan á Selfossi segir yfirheyrslur yfir mönnunum standa yfir en mjög mikil ölvun var á vettvangi og frásagnir manna í samræmi við það