Síldveiðar á mjög grunnu vatni

Vind hafði ekki fyrr lægt í Grundarfirði í gær en að síldveilðiskipin hófu á ný veiðar þar við bæjardyrnar og veiddu vel.

Þar eru nú sex skip, en síldin er nú alveg upp undir landi á mjög grunnu vatni sem gerir sjómönnum erfitt fyrir að kasta á hana. Skipstjóri sem fréttastofan ræddi við fyrir stundu sagði að aðeins þrír faðmar væru frá kili skipsins niður í botn.

Síðan veiðarnar hófust í Grundarfirði fyrir hálfum öðrum mánuði er búið að veiða þar yfir 60 þúsund tonn á örlitlum bletti, með smá undantekningu við Stykkishólm og virðist ekki sjá högg á vatni að sögn sjómanna.