Íbúðaverð í borginni hefur hækkað um 17% á einu ári

Íbúðaverð á höfuðborgarsvæðinu hækkaði um 2,8% í október, samkvæmt tölum frá Fasteignamati ríksins, og nemur tólf mánaða hækkun 16,7%.

Fjallað er um málið í Hálf fimm fréttum Kaupþingsbanka og þar segir að á síðustu tólf mánuðum hafa sérbýli og fjölbýli hækkað svipað mikið eða um 17%.

Fjöldi þinglýstra kaupsamninga á markaði gefur góða vísbendingu um þróun fasteignamarkaðarins. Heildarfjöldi kaupsamninga í október var um það bil 956 og er það fjölgun um 64,5% frá fyrra ári - en á sama tíma í fyrra drógust umsvif hratt saman samhliða því sem krónan gaf lítillega eftir.



Samhliða hækkun á fasteignaverði hækkaði vísitala byggingarkostnaðar um 0,27% frá fyrri mánuði samkvæmt upplýsingum frá Hagstofu Íslands. Tólf mánaða hækkun vísitölurnar var 6,3%. Byggingarvísitala Hagstofunnar sýnir breytingar á kostnaði við byggingu fjölbýlishúsa á höfuðborgarsvæðinu, en vísitalan tekur hins vegar ekki mið af þróun lóðaverðs.