Forsetinn: Tvítyngi kemur ekki til greina

Jónasarstofa var opnuð á Hrauni í Öxnadal í dag á 200 ára afmæli skáldsins. Forseti Íslands telur tvítyngi ekki koma til greina hér á landi, enda sé staða íslenskunnar sterk.

Minningarstofan um Jónas hefur lengi verið baráttumál áhugafólks sem vill veg þjóðskáldsins sem mestan. Ólafur Ragnar Grímsson, forseti Íslands, opnaði stofuna með táknrænum hætti í dag með því að kveikja ljós sem vonandi á eftir að lýsa komandi kynslóðum. Forsetinn sagði tvítyngi ekki koma til greina hér á landi, enda sé staða íslenskunnar sterk.