Fjölga móttökustöðvum umsókna um vegabréf

Utanríkisráðuneytið hefur tekið í notkun nýja færanlega móttökustöð sem fjölgar þeim stöðum erlendis þar sem hægt er að sækja um íslensk vegabréf. Þetta kemur fram í tilkynningu frá ráðuneytinu. Umsóknarstöðum fækkaði töluvert þegar rafræna vegabréf voru tekin upp fyrir nokkrum árum.

Fram kemur í tilkynningu frá utanríkisráðuneytinu að framvegis verður boðið upp á tímabundnar móttökur umsókna í sendiskrifstofum þar sem áður var ekki hægt að sækja um vegabréf. Fyrst sendiskrifstofan til að bjóða upp á slíka þjónustu verður sendiráð Íslands í Moskvu.

Þá segir einnig í tilkynningu ráðuneytisins að takmarkaður fjöldi og staðsetning móttökustöðva hafi haft talsverð óþægindi í för með sér fyrir Íslendinga erlendis. Hingað til hafa sendiráð Íslands á Norðurlöndum og í Washington, London og Berlín verið þau einu sem hafa getað boðið upp á þessa þjónustu.