Kristinn Hallsson óperusöngvari látinn

Kristinn Hallsson óperusöngvari andaðist á Hrafnistu í Hafnarfirði aðfararnótt laugardags. Hann var fæddur í Reykjavík árið 1926 og var áttatíu og eins árs að aldri. Hann hóf nám við Tónlistarskólann í Reykjavík og lauk síðan brottfararprófi frá Konunglega tónlistarskólanum í London. Kristinn tók þátt í fjölda óperusýninga og tónleika, bæði hér á landi og erlendis og stundaði tónlistarkennslu.

Þá var hann ráðinn fulltrúi í Menntamálaráðuneytinu árið 1970 og sæmdur Riddarakrossi íslensku fálkaorðunar árið 1978. Hann lætur eftir sig þrjú uppkomin börn, en eiginkona hans Hjördís Þorbjörg Sigurðardóttir lést fyrir 14 árum