Etanólbílar sýndir um helgina

Um helgina verður haldin bílasýning í Perlunni á visthæfum bílum. Þar verða meðal annars til sýnis tveir fyrstu etanólbílarnir sem Brimborg flutti til landsins.

Þessir bílar eru nú þegar í notkun í öðrum löndum, t.d. Bandaríkjunum, Brasilíu og Svíþjóð. Útsölustaðir lífetanóleldsneytis eru nú nálega eitt þúsund og bílarnir rúmlega sjötíu þúsund og fjölgar um þrjú þúsund í hverjum mánuði.

Bílarnir sem fluttir eru inn eru af gerðinni Volvo C30 FlexiFuel og Ford C-MAX FlexiFuel. Þeir nýta báðir lífetanól sem eldsneyti og bensín. Útblástur koltvíoxíðs frá þessum bílum er um 80% minni en í venjulegum bensínbíl.