Alvarlegur kúasjúkdómur í Eyjafirði

Kúabú í Eyjafirði hefur verið sett í einangrun eftir að alvarlegur sjúkdómur sem borist getur milli manna og dýra kom þar upp. Héraðsdýralæknir segir málið alvarlegt.

Það er í Arnarneshreppnum, á bænum Hofi, skammt norðan Möðruvalla, sem yfirdýralæknir hefur brugðist við þessum óboðna gesti. Öll óviðkomandi umferð hefur verið bönnuð hér á býlinu og er bærinn tæknilega í sóttkví að sögn dýralæknis.

Sýkillinn uppgötvaðist við slátrun nautgrips og varð ljóst í síðustu viku hverrar ættar hann væri. Og það þótti full ástæða til að taka á málinu með mikilli alvöru.

Talið er líklegt að nautgripurinn frá Hofi hafi smitast af manni en enginn á bænum hefur smitast svo vitað sé.

Nágrannaríki hafa mörg hver gripið til bólusetningar til að útrýma sýklinum, en hann orsakast af sveppum. Sjúkdómseinkennin eru mjög hvimleið en ekki hættuleg.