Aniston ekki í sárum

Lýtaaðgerðasérfræðingar í Hollywood eru sannfærðir um að Jennifer Aniston hafi farið í brjóstastækkun og að það sjáist berlega á myndum frá People‘s Choice Awards.

Aniston hreppti verðlaun sem besta leikkonan fyrir frammistöðu sína í The Break Up og voru tískusérfræðingar sannfærðir um að útlit Aniston gæfi það sterklega til kynna að leikkonan væri loksins komin yfir skilnaðinn við Brad Pitt.

Netheimar hafa verið morandi í sögum um stækkuð brjóst á leikkonunni eftir verðlaunaafhendinguna en sérfræðingur í útliti stjarnanna sagði líklegra að Aniston hefði notað sérstaka brjóstahaldara og límband til að ná fram brjóstskorunni sem blasti við áhorfendum á verðlaunaafhendingunni.