50 cent gerir smokka

50 cent leggur nú hönd á plóginn í baráttunni við alnæmi. Hann fer þó sínar eigin leiðir, að vanda, og ætlar að styrkja málefnið með því að leggja nafn sitt við smokkalínu.

Hluti ágóðans af sölu getnaðarvarnanna mun svo renna til góðgerðasamtaka sem berjast gegn útbreiðslu sjúkdómsins. 50 cent segist velja þessa leið þar sem krakkar verði ónæmir fyrir stöðugu nöldri. Fólk verði að virkja ímyndunaraflið ef það ætlar að ná til krakkanna. Ekki er vitað hvort smokkarnir muni kosta fimmtíu sent.