10.000 mellur dönsuðu fyrir Gere

Ef einhver hefði sagt þér að Richard Gere ætti eftir að standa upp á sviði og belja slagorð meðan tíuþúsund vændiskonur dönsuðu fyrir framan hann, hefði þér verið vorkunn þótt þú hefðir ekki trúað því. Það er þó nákvæmlega það sem gerðist í Mumbai, á Indlandi, í dag.

Gere stóð uppi á sviði og hrópaði; "Engir smokkar, ekkert sex, engir smokkar, ekkert sex." Og á torginu fyrir framan hann dönsuðu tíuþúsund dætur næturinnar. Gere var þarna gestur samtaka sem berjast gegn alnæmi og afhenti verðlaun ýmsum þeim sem hafa staðið sig vel á því sviði.