Tuttugu stiga hiti á Vopnafirði í morgun

Tuttugu stiga hiti var á Vopnafirði klukkan níu í morgun en einstök hlýindi eru víða á landinu.

„Það eru hlýir vindar í háloftunum sem skýra þennan hita. Strekkingsvindur er nú á Vopnafirði og vegna hans ná þessi hlýindi niður til yfirborðs," segir Sigurður Þ. Ragnarsson, veðurfræðingur á fréttastofu Stöðvar 2.

Á Skjaldþingsstöðum við Vopnafjörð komist hitinn hæst í 20,6 gráður milli átta og níu í morgun. Þetta er þó ekki hitamet því í í október 1992 komst hitinn í 21,2 gráður á Vopnafirði. Það er þó óvenjulegt að hiti sé orðinn þetta hár klukkan níu að morgni.

Sigurður segir að hlýindi verði um allt land í dag og um helgina.